Se imos a unha aldea do País Vasco e a unha galega decatarémonos de que en ambas se fala o idioma propio de cada unha pero se imos ás cidades, no caso de Euskadi veremos unha escalada no seu uso. En Galiza iso non ocorre tan facilmente.
O éuscaro e o galego teñen o mesmo status oficial xa que son consideradas linguas cooficiais co castelán nos seus respectivos territorios. Pero as cifras do Goberno Vasco afirman que nos últimos vinte cinco anos o euskera gañou 223.000 falantes e continua día a día. Pola contra, o Instituto Galego de Estatística revela que se perderon máis dun 8% de galegofalantes en tan só cinco anos.
Isto é, moi probablemente, debido aos diferentes prexuízos establecidos, dende hai séculos en Galiza, sobre o galego que fan que deixe de usarse e non se transmita de xeración en xeración. Non ocorre así en Euskadi, alí a poboación en xeral ten unha conciencia lingüística positiva sobre o seu idioma e ben estruturada.
Ser galego/a no século XXI dentro de Galiza é que che guste o cocido os domingos na casa da avoa e os pementos de Padrón na Pascua, fóra dela é o ser morriñento, lembrarse de Galiza cada vez que te vas. Ser galego é que che guste a festa, e tamén as verbenas no verán, aínda que chova na maior parte delas.
Outra das cousas que nos caracteríza de ser galegos/as son os instrumentos, como a pandeireta e a gaita nas feiras, nas que podes pasar todo o día polos postos. Galegos son os que van fóra de Galiza e automaticamente se lles recoñece polo acento. E tamén os que ven os anuncios do Gadis día si e día tamén.
Hoxe botamos a andar e a bailar e a cantar con Verto
Todos poderemos organizar mellor o noso tempo, as nosas tarefas, os nosos exames, … grazas aos calendarios elaborados polo Equipo de Normalización que están á vosa disposición na aula virtual. Neles mulleres de diferentes ámbitos moi importantes na nosa sociedade teñen un lugar especial. Valorémolas!
Moitas grazas a todos os que colaborastes!
O número de falantes en éuscaro crece ano tras ano, mentres que en Galiza sucede todo o contrario. Hai corenta anos, en Álava só un 5% da poboación falaba éuscaro, e na actualidade esta cifra supera o 30%, mentres que en Galiza no mesmo período de tempo, a cifra baixou dun 60% ao 40%. Por que sucede isto?
Segundo Txerra Rodríguez, sociólogo vasco, os principais falantes en éuscaro son os rapaces menores de 18 anos. Isto é un exemplo de que cada vez máis pais lle falan aos seus fillos na súa lingua autóctona. En Galiza, hai datos tan sorprendentes como que un de cada catro rapaces menores de 15 anos non sabe falar galego. A lingua autóctona non é transmitida de xeracións en xeracións como ocorre co éuscaro. Cabe preguntarse por que se está a dar este fenómeno no noso país…