A ​asociación AMBAR das persoas con diversidade funcional​ é unha Entidade de ámbito
comarcal, Sen Ánimo de Lucro e declarada de Utilidade Pública. AMBAR conta cun grupo
social de máis de 1.100 persoas e foi fundada no ano 1982 coa razón social de “Asociación
de Minusválidos da Barbanza”, coa finalidade principal da integración e mellora da calidade de vida das Persoas con Diversidade Funcional (discapacidade) de calquera natureza.

Durante a Semana Solidaria no IES tentamos sensibilizar á comunidade educativa sobre o Trastorno de espectro autista (TEA). Nun artigo anterior falamos da exposición sobre o Mundo máxico de Antón, agora deixámosvos o vídeo que estivemos poñendo onte nos corredores: “A viaxe de María”

Seguimos no IES coa Semana Solidaria. Neste vídeo de Cayetana e Celia tentamos sensibilizar a rapazada sobre as enfermidades raras.  Neste caso sobre a heteroplasia ósea progresiva. Animamos á Asociación galega desta enfermidade a facer tamén vídeos en galego.

Un dos obxectivos da Semana Solidaria do IES é sensibilizar sobre a discapacidade. Estes catro vídeos cumpren este obxectivo.

Todos somos todos:  Unha amizade duradeira

AGADEA é unha asociación de familiares de enfermos de Alzheimer e outras demencias. O fin da asociación é axudar tanto aos enfermos con demencia como aos seus familiares ou coidadores principais. Tamén nos acompañaron na Semana Solidaria. Os obxectivos que persegue son:

Clara de Saá conduce Convivir en igualdade, un programa diario de carácter divulgativo e contido social en que se falará de temas relacionados con discapacidades, adopcións ou acollemento familiar. Soubo da nosa Semana solidaria e enviounos este audio felicitándonos.

Por Marta Figueira, Sabela Loureiro (1º ESO A)

O pasado venres 2 de febreiro, visitounos Marcos Botana, peliqueiro de Castro, no concello de Laza. Explicounos as diversas prendas que visten, o ritual que teñen para poñer o traxe e o procedemento que seguen para completar a súa aprendizaxe. Quedounos moi claro que o de peliqueiro non é un disfraz, é un traxe e Marcos lévao con moito orgullo e respecto.

Todo o alumnado de 1º ESO puidemos ir escoitalo. Para os que non puidestes ir e tendes interese en saber máis sobre este entroido tradicional,  podedes escoitar a entrevista que lles concedeu aos nosos compañeiros (Alex e Raúl) no seguinte video, montado con imaxes e vídeos que el mesmo nos falicitou e outras que atopamos pola rede. Non o perdades!