Hoxe 4 de novembro as galegas e os galegos  temos unha cita coa Ciencia en galego,  este día permitirá unha achega, educativa e social a aquelas persoas que dedicaron a súa vida ao desenvolvemento e avance da sociedade desde a súa entrega e achegas á evolución do coñecemento científico.
Esta iniciativa  guiaranos polo perfil do astrónomo e matemático galego Ramón María Aller Ulloa (1878-1966), do físico escocés James Clerk Maxwell (1831-1879) e máis de Afonso X O Sabio (1221-1284), un dos maiores poetas galegos de todos os tempos e un dos científicos universais pola súa contribución ao progreso da ciencia europea.

Estivemos a celebrar no IES Félix Muriel durante a pasada Semana das Letras o concurso de recitado e lectura de poemas. Un número considerable de alumnos acudiu nos recreos a declamar e ler en público textos escollidos de Uxío Novoneyra.
O concurso posuía dúas modalidades:
a) recitado de poemas de Uxío Novoneyra previamente memorizados.
b) lectura de poemas escollidos ao chou diante do público.
O xurado do concurso estivo composto por dous membros do alumnado e dous do profesorado, diferentes en cada unha das modalidades, que valoraron mediante unha ficha os diferentes aspectos que comprende a dramatización poética.
A experiencia resultou moi enriquecedora. Houbo agasallos para quen mellor demostrou as súas cualidades interpretativas en ambas as dúas categorías. 
Agardamos que o éxito desta edición anime a máis alumnado para futuras edicións do concurso.

Dentro das conferencias da Semana Cultural "Abrindo portas en galego" nas que poidemos comprobar que tamén no ámbito científico é moi natural utilizar o galego, Socorro Castro da Universidade da Coruña mostrounos as vantaxes dos motores de hidróxeno, xa que non contaminan e usan un combustible barato, e tamén os problemas cos que se atopan os científicos que están a investigar cos prototipos de automóbiles, como é o grande espazo que ocupan, a maneira de distribuilo…

Os alumnos do I.E.S Félix Muriel tivemos o privilexio de asistir e gozar dunha charla do prestixioso físico Carlos Salgado. O estimado conferenciante iniciounos no tema da física de partículas. A charla durou dúas horas, nas cales Carlos Salgado ademais de aportarnos información moi interesante, (axudado por unas imaxes e uns vídeos),tamén nos dou a oportinidade de debater sobre o tema. Aprendemos moitos conceptos novos sobre as moléculas, pero tamén aprendemos una lección máis: o galego é válido para as ciencias. Carlos Salgado, dou toda a conferencia nun galego espontáneo a pesares de estar vivindo en Xinebra. Demostrounos así que os prexuízos sobre o galego son tan só iso, prexuízos. O noso idioma pode ser utilizado en todos os contextos e rexistros, quedando demostrado isto, cortando todo tipo de controversia. Quedan, para nós, atrás os prexuízos de que o galego é unicamente para falar na casa e coa familia. Parece deste xeito que o galego progresa, a paso lento, pero progresa cara á normalización. Grazas a xente como Carlos Salgado isto vaise facendo posible.

O primeiro que fixemos foi ir á praia que está detrás do IES:

Cando tivemos que facer grupos para coñecer Cangas:

Estivemos coñecendo Cangas e había unha capela moi interesante:

Coñecendo o porto de Cangas:

Este é o Cruceiro Hio, que nos deixou o bus antes de comer para contemplalo:

O pasado 7 de maio estivo no noso IES  Serafín Marcos cun espectáculo para darnos a coñecer a Uxío Novoneira, ao que se lle adican as letras galegas deste ano, mediante unha interpretación de poesía na que montou no escenario unha mesa cunha vela e un cadro pechado.
Tróuxonos moitas cousas para a actuación, como por exemplo: unha tanza amarela que representaba un fío de sol que cruzou polo salón de actos polo medio dos alumnos, unha garrafa de auga que puxo aberta enrriba da mesa para que a auga se vertera cun recipiente do chan e fixera ruído mentres nos recitaba poesía, representou estacións cambiando de roupa, explicounos unha poesia sobre un río e de onde viña . Sacou dous voluntarios, un deles leu un verso e outro, o cal tiña os ollos vendados, ensinoullelos. Deleitounos con moitos mais obxectos e linguaxes corporais interpretando os poemas.

O pasado xoves dia 8 de abril veu ao noso centro Fuco Sanjiao a falarnos sobre o ámbito do dereito e mais como esta disciplina non está enfrontada ao galego senón todo o contrario.
Este doutor en dereito, que traballa no departamento de economía da facultade de dereito, estívonos a falar sobre as normas e as leis que temos os cidadáns e como se cumpren ou non. Puxo como exemplo os sinais que case ninguén respecta. Ensinounos unhas diapositivas nas que aparecían persoas infractoras; nas primeiras víanse uns ciclistas incumprindo o sinal que prohibía andar en bicicleta, a segunda ensinábanos a imaxe de dúas mulleres que estaban esperando nun semáforo para poder cruzar pero unha delas cruzou antes de que este se puxese en verde e a outra, que non sabía que facer, ao final tamén saltou a norma e cruzou antes de que os coches frearan. Con este exemplo quixo indicarnos como valoramos as prohibicións e se nos convén máis cumprilas ou non, e tamén como nos inflúen os demais á hora de decidilo.

Despois ao final díxonos que para estudar na universidade non temos que renunciar ao galego, pois el quitou a súa carreira en galego, facendo exames en galego, xa que tivo a sorte de ser dos primeiros que estudaron no colexio en galego. E tamén nos trouxo a súa tese de doutoramento escrita na nosa lingua, así como moitas das súas publicacións no ámbito xurídico. Animounos a todos a facelo tamén.

-