Todos poderemos organizar mellor o noso tempo, as nosas tarefas, os nosos exames, … grazas aos novos calendarios elaborados polo Equipo de Normalización que están á nosa disposición nas aulas. Neles mulleres de diferentes ámbitos moi importantes na nosa sociedade teñen un lugar especial. Valorémolas!

Moitas grazas a todos os que colaborastes!

Por Celia Arcos (1º ESO A) Europa é un continente plurilingüe, é dicir, nel fálanse diversas linguas, con cadansúas características e variantes propias. Para comezar teño que aclarar unha cousa, as fronteiras políticas non corresponden ás lingüísticas, o que quero dicir con isto é que non hai unha lingua en cada país, poñamos como exemplo […]

 (por Paula Ordóñez )

O galego vén perdendo falantes dende hai moitos anos. É a lingua propia da nosa comunidade Galicia. A partir disto xorde unha pregunta: somos libres para escoller a nosa lingua?

Para comezar nacemos nunha sociedade onde hai unha lingua como contexto. E sobre todo, e máis importante, unha sociedade movida polas masas onde só importa o que fai a maioría. É moi difícil intentar ser diferente cando todo o mundo fala castelán e soamente unha persoa fala galego.

O alumnado de 2º ESO de portugués improvisou unha lectura teatralizada do texto narrativo de Mia Couto: O menino que escrevia versos. Co gallo do Día da Lingua Portuguesa que se celebra o 5 de maio, fixeron esta lectura teatralizada, aceptando o reto que lles lanzou Carla, a professora do Instituto Camões que nos acompañou todos os mércores e xoves do curso. Así que despois duns cantos ensaios, foron buscar unhas batas ao departamento de física e…

Por Bernal Muíños

Para un sector da sociedade galega, se algo marcou a súa infancia e influíu no seu xeito de ser na idade adulta, foi sen dúbida o “Xabarín Club”. Moita xente garda entre os seus recordos máis felices o bocadillo de Nocilla mentres vía Dragon Ball, Shin Chan, o Detective Conan ou Código Lyoko. Esa mocidade criada con series e música en galego resulta ser un dos grupos de maior compromiso e conciencia ca lingua. É a chamada “Xabaxeración”, a exemplificación do éxito dun proceso normalizador.

O pasado mércores 23 de maio de 2018, o alumnado do ENDL que participa na radio visitou as instalacións da Radio Galega. Aproveitaron a ocasión para dun xeito informal, entregar na radio pública galega unha carta reivindicando máis audiovisual en galego para a súa idade. A iniciativa saíu do grupo-aula de 1º ESO A, cuxo alumnado participa na súa maioría  na actividade  radiofónica Rianxo Fala e que elaborou esta carta dentro do proxecto que están a desenvolver nas materias de lingua galega e lingua castelá. Esta é a carta que se lle deixou alí.

O youtubeiro Aquel-e ( que vén sendo Miguel Silva, ex-alumno do noso IES e colaborador do ENDL) recibiu o PREMIO EFICIENCIA COMUNICATIVA no concurso de Youtubeir@s deste ano. O vídeo gañador titúlase “O GALEGO FERMOSO (e o que non o é tanto)” :

Presentamos unha revista de futbol totalmente en galego. A súa publicación é semestral

N° 1 • inverno 2015-2016 • 5€

Asubío inicial

“Comezamos esta andaina con moita ilusión, mais sabendo que o panorama editorial non é especialmente favorable para este tipo de publicacións.