Xa sexa mediante datos estatísticos, informarnos para logo facer un debate ou incluso ver vídeos informativos tanto a nivel do noso territorio como a un nivel internacional onde outras linguas sofren situacións moi parecidas á da nosa lingua, vemos que sempre vamos ter algún obstáculo no camiño á hora de querer expresarnos coa lingua que nos gustaría.

 A día de hoxe, na sociedade actual, moi poucas persoas teñen a facilidade de escoller a lingua coa que queren falar habitualmente, non só na súa rutina diaria, senón en todos os ámbitos sociais nos que teña que desenrolar algún tipo de tarefa.

A partir de mañá podes escoller os adhesivos que máis che gusten para poñerlle aos teus agasallos. Repartímolos desde o ENDL,  sinalando que o galego pode ser o mellor agasallo.

Lembra miralos todos porque podes escoller:

Como xa anunciamos no seu momento, o grupo Ezetaerre vai estar o vindeiro luns día 18 no noso IES de  16,30 a 18 h.  Grazas á colaboración do Servizo de Normalización Lingüística do concello de Rianxo temos a oportunidade de que o alumnado do Equipo de normalización,  e mais algún outro grupo ata completar o aforo do salón de actos, escoite en directo a este grupo de hip-hop que emprega o galego para producir a súa música.

Segundo publicamos no cartaz elaborado dentro do noso proxecto de música en galego, o grupo está formado por tres mozos que comezaron a súa andaina no ano 2015 e ata o momento xa publicaron 3 discos.

A Casa-Museo Manuel María organiza un concurso de videopoemas que ten por Dfinalidade a potenciación da creatividade artística e mais o coñecemento e difusión da obra de Rosalía e Manuel María. Le as bases e anímate a participar

Na mañá deste venres 24 de novembro celebraranse  dúas contadas da actriz, escritora e fotógrafa uruguaia, Soledad Felloza , unha para 1º da ESO (11,20) e outra para alumnado de 4º ESO (12,30h).

Baixo o título O comezo do mundo vai ofrecer   unha selección de contos e historias de mulleres, baseadas en mulleres ou que teñen un fío condutor común na orixe do ser humano e no valor da palabra.

Esta actividade pódese ofrecer grazas á colaboración do Servizo de Normalización Lingüística do Concello de Rianxo.  A actividade pretende achegar o valor da oralidade ao alumnado rianxeiro, precisamente da man dunha muller (cando se celebra a semana en contra da violencia de xénero), que ademais é de fóra de Galicia pero que ao vivir na nosa terra asumiu a lingua do país como propia e que desenvolve unha parte importante do seu traballo en galego.

Seguimos con actividades para promover a ciencia en galego. Dada a temática deste ano, deixámosvos este vídeo moi bo sobre Domingo Fontán e a súa Carta Xeométrica.

A  Asociación Recreativa e Cultural Os Tilos (Teo-A Coruña) celebra este ano a 14ª edición do Concurso de Poesía Anomar, que como novidade nesta edición creo un enderezo de correo electrónico propio para o concurso, e así evitar que se perda algún poema nos correos diarios que recibe a entidade:  As categorías do concurso son: – […]

Está aberto o prazo para anotarse ao Club de debate.  Anímate a participar!