Sección dedicada a mostrar dinámicas normalizadoras propias, do noso ENDL, pero tamén a dar conta de persoeiros, entidades, organizacións… que se moven no mesmo campo ca nós, o da normalización das linguas minorizadas. Aproveitamos tamén este espazo para presentar información sobre distintas linguas minorizadas no mundo.
¡Estamos de noraboa! O talento do noso alumnado volveu brillar, desta volta no mundo da comunicación. O IES Félix Muriel alzouse co primeiro premio na categoría de Secundaria dos prestixiosos Premios José Hermida de Radio Escolar.
Nunha nova sesión do Ciclo Camiñando entre mulleres, organizado polo ENL do noso IES en colaboración co SNL do Concello de Rianxo, tivemos a sorte de contar coa presenza de Lara Torres, técnica superior en Ilustración pola EASD Pablo Picasso e graduada en Belas Artes pola Universidade de Vigo.
Lara, ilustradora, muralista e docente, falounos do seu percorrido vital e profesional e tivo a amabilidade de aceptar ser entrevistada por Noelia, unha das nosas colaboradoras de Radio Rianxofala.
Invitámosvos a escoitala:
A regueifeira Lupe Blanco e a intérprete LSE (lingua de signos) Ana Belén Mourín López regueifando en “Camiñando entre Mulleres”
Un ano 
máis en colaboración co Servizo de Normalización Lingüística do Concello de Rianxo, a regueifeira Lupe Blanco participa no programa “Camiñando entre Mulleres”.
Tres grandes rianxeiras son protagonistas dos nosos calendarios
- “Mamá… xa sei o que quero estudar… un ciclo medio”
- “Ah vale… vas estudar perruquería, non?”
Pois non… non era Perruquería; o que ela quería estudar era Soldadura, e soñaba con ir traballar a un asteleiro e facer barcos.
Hoxe coñecimos a Nerea Vázquez, “a diva do metal”, como lle din na súa terra. Unha historia moi valente de loita e superación para acadar as metas propias nun mundo tradicionalmente de homes. Estudante no CIFP Politécnico de Santiago, rematou o curso pasado o CM de Soldadura, e cursa neste o CS de Construcións Metálicas.