¡Gañamos o 1º premio José Hermida!
¡Estamos de noraboa! O talento do noso alumnado volveu brillar, desta volta no mundo da comunicación. O IES Félix Muriel alzouse co primeiro premio na categoría de Secundaria dos prestixiosos Premios José Hermida de Radio Escolar.
O noso podcast logrou conquistar ao xurado pola súa calidade e sensibilidade. Segundo o veredicto, o traballo destaca por tratar un tema esencial: a importancia do patrimonio material e interxeracional. Os membros do xurado non aforraron en eloxios, subliñando que o podcast conta cun “inicio potente, coordinado e abraiante” que conseguiu “enfeitizar” a quen o escoitaba dende o primeiro segundo.
Este galardón sitúa ao noso instituto no máis alto da radio escolar.
Queremos darlle os nosos máis entusiastas parabéns a todos os mozos e mozas que participaron nesta creación, demostrando que no Félix Muriel sabemos comunicar con forza e moito corazón. ¡Noraboa a todas e todos!
A cronoloxía:
TEASER do noso Cap. 1 de ‘Galicia, o país das Marabillas’.
Making of de ‘Galicia, o país das Marabillas’. A través do “como se fixo” porémoslles rostro ás nosas voces.
A versión amplia do PODCAST ‘Galicia o país das Marabillas’ (20′), aderezado con imaxes que acompañan o audio dos locutores/as e convidadas. Na descrición está a minutaxe de onde aparece cadaquén.
GRAZAS a: Xiana Portas 2’58″ / Maite Mosconi 6’55″ / Nati Rei 12’27″ / Carmen Ordóñez ‘Faustina’: 15’35″E mais aos nos@s locutores/as: Narciso, Mariña, Ahinara, Erik, Sarai, Saúl, Nerea e Saray.
A nosa galería de fotos:
Se queres participar sigue as intruccións da seguinte ligazón... [Abonarse]